Dhjetë arsye dhe disa këshilla për të pirë një verë Rosé

Për verën Rosé është e shkruar dhe gjithmonë do të shkruhet, për shkak të pasionit "të lindur" për këtë verë, por edhe për të përcjellë bukurinë, çudinë dhe shijen unike të verërave të trëndafiltë.

Vera Rosé është një botë më vete. Është një botë delikate që identifikon një art. Dhe bërja e verërave Rosé është një art shumë i vështirë, i cili nuk përzihet, siç besojnë shumë, e bardha me të kuqe. Shpesh hasim një nënvlerësim nga gjithë ata që besojnë se Rosé nuk është mirëfilli verë, ndërkohë në Francë ajo konsiderohet një nga verërat më të rëndësishme. Shumë njerëz pyesin se çfarë shije duhet të ketë një verë Rosé që të jetë "e mirë". Nuk është e bardhë, nuk është e kuqe, pra, ç' tipare duhet të ketë? Nga çfarë varet ngjyra e saj? Dikush, me të drejtë, mund t'i bënte këto pyetje.

Vera Rosé: Ngjyra

Para së gjithash, bukuria e verës së trëndafiltë fillon me ngjyrën. Një enolog i madh francez i së kaluarës, ka bërë histori dhe mbi të gjitha, shkollën, në të gjithë botën: Émile Peynaud. Por ngjyra gjithmonë bën diferencën, sepse nuancat e verërave Rosé janë kaq të shumta dhe delikate. Në të vërtetë, verërat Rosé tregojnë një gamë të gjerë të nuancave të rozës. Shkalla e ngjyrave të verës franceze të trëndafiltë varion nga cipa e qepës në mandarin, për të shkuar nga roza e salmonit në koral deri në ngjyrat më intensive. Shumëllojshmëria e ngjyrës varet nga origjina gjeografike, lloji i hardhisë dhe dora e njeriut.

 

Vera Rosé: Aroma

Ne përpiqemi gjithmonë të kuptojmë diferencat e Rosé edhe nëpërmjet nuhatjes. Nuancat e një roze shpesh janë delikate. Vështirë të përcaktosh një linjë të saktë degustimi për një verë Rosé. Karakteristikat e rozës ndryshojnë sipas fementimit. Ja pse një fermentim i shkurtër do të japë nuancat e aromave të luleve, ndërsa aroma e frutave do të jetë më delikate. Nëse ajo kalon përmes një fermentimi të gjatë, ndjesia e aroma e frutit do të jetë më e dukshme se ajo lules, e cila pastaj do të kthehet në një nuancë delikate dhe të butë.

Vera Rosé: Shija

Shija do të luajë me raportet midis freskisë, shijes, ndjesi e moderuar e taninës me nuancë të butë. Shija varet shumë nga terreni, ndërsa aciditeti nga zona e prodhimit, lloji dhe koha e mbledhjes. Ndërsa ndjesia e taninës varet nga dora e njeriut. Bota e rozëve është me të vërtetë e komplikuar.

10 arsye pse duhet të pini Rosé

Pra, kur të shijoni një rozë, përqëndrohuni në delikatesën dhe fisnikërinë e kësaj vere. Mundohuni të kuptoni se si hijeshia mund të qëndrojë në delikatesën dhe jo në pushtetin, siç mund të kërkojnë disa te vera e kuqe. Kur të shijoni një rozë, duhet të ndryshoni njësinë matëse të gjykimit: një sugjerim i rëndësishëm, për të mirëpritur me gëzim rozën në gotën tuaj.

Ende dyshoni në mrekullinë e rozës? Ne ju japim 10 arsye, për të marrë në konsideratë bukurinë e kësaj vere dhe ta shijoni atë në të gjithë kënaqësinë e saj.

1. Nuk ka bukuri të krahasueshme me dridhjet e freskëta, që mund t'i japë vetëm një verë rozë. Verërat rozë janë të freskëta, të lehta, aromatike dhe të shijshme. Nëse jeni në humor të keq, "pija e trëndafiltë" do t'ju ndihmojë.

2. Është e përkryer për kombinimet më të ndryshme. Verërat rozë mund të kombinohen lehtë me lloje të ndryshme ushqimi, falë përshtatshmërisë së tyre. Është e lehtë për t'i kombinuar ato nga antipasta deri në pjatën përfundimtare. Djathra të lehta dhe të freskëta, mish të bardhë, vezë, sallata të përgatitura, rizoti dhe pjatat e para nuk do të jenë një problem që tani e tutje, sepse ju do të dini se çfarë shkon me ta.

3. Nëse keni mysafirë dhe nuk e di nëse preferojnë verëra të kuqe apo të bardhë, vera rozë heq pasigurinë tuaj për të zgjedhur, sepse shpesh e pëlqejnë si ata që pinë verë të kuqe edhe për ata që zakonisht preferojnë verëra të bardha.

4. Nëse ju jeni në mesin e atyre që e ndjejnë nevojën për të pirë një gotë të mirë vere në nëntë të mëngjesit për të përballuar ditën, por ke frikë se mos gjykohesh, atëherë pi një rozë. Në imagjinatën kolektive, një gotë verë rozë është "pa mëkat".

5. Me verë rozë ju kurrë nuk do të mërziteni. Ngjyrat janë të ndryshme, nga qershia rozë deri te salmoni delikat, ka versione të zakonshme dhe me gaz, duke ofruar versione nga më të ndryshmet sipas zonave të origjinës. Aromat, ngjyrat dhe shijet e verërave rozë do t'ju japin një mbështetje jo-indiferente të kulturës alkoolike.

6. Verërat rozë në dimër japin një prekje të stinës së verës në humorin tonë dhe marrëdhëniet në përgjithësi. Do të surprizoheni kur të zbuloni lehtësinë me të cilën mund të "flirtoni" kur keni një gotë verë rozë në dorën tuaj.

7. Ato janë perfekte për kompletimin e pijeve të freskëta dhe aromatike për një periudhë të gjatë kohore. Ju mund të shfrenoni imagjinatën, duke i dhënë ngjyra koktejleve tuaja dhe të befasoni miqtë, duke u ofruar atyre shije dhe aroma të reja.

8. Në të kaluarën e largët, shampanja kishte një grimë rozë. Sipas shumë të apasionuarve të verës, shampanja e parë kishte një prirje paksa rozë që tregon një kontakt të lëngut me lëkurat. Kur pini rozë, mendoni për këtë moment magjik të së kaluarës.

9. Nëse vuani sepse jeni në dietë, atëherë zgjedhja për ju është një rozë e mirë. Ajo ka më pak kalori sesa një e kuqe, por do t'jua kujtojë, pjesërisht, në aromë dhe në shije. Mos harroni se rozët lindin nga kontakti i shkurtër me lëkurat e rrushit të kuq.

10. Vera e kuqe konsiderohej verë e fisnikëve. Në literaturë, vlen të theksohet se verërat rozë ishin privilegj i fisnikëve. Verërat rozë përfaqësonin lëngun e shtrydhur, më të butin, dhe ishin pikërisht rozët që buronin nga kokrrat e freskëta dhe të buta në taninë. Supozimet ideale për të stimuluar... "kënaqësitë e gjykuesve".